ပြတ်ထွက်သွားသောသုည
မြို့လေးတစ်မြို့မှာ သိပ်ကိုချောမောလှပပြီး အကကောင်းလို့နာမည်ကျော်ကြားတဲ့
ကခြေသည်မလေးတစ်ယောက်ရှိတယ်။ သူမရဲ့နာမည်ဂုဏ်သီတင်းဟာ
နိုင်ငံအနှံ့အပြားကျော်ကြားနေခဲ့တယ်။ တစ်ရက်မှာတော့ မြို့ကလေးဆီကို
အကော်ဒီယံလေးတစ်လက်ပိုက်ထားတဲ့ လူငယ်လေးတစ်ယောက်ရောက်လာတယ်။ သူဟာ
မြို့စွန်ကသုဿာန်ထဲကိုဦးတည်သွားနေခဲ့ပါတယ်။ နောက်နေ့တွေမှာတော့ အဲဒီလူငယ်လေးဟာ
သုဿာန်ထဲက သစ်တောအုပ်လေးထဲမှာ သစ်လုံးအိမ်လေးတစ်လုံးဆောက်ပြီးနေထိုင်ကြောင်းကို
သုဿာန်စောင့်ကြီးကတစ်ဆင့် သိကြရတယ်။ လူငယ်လေးဟာ မြို့ကိုရောက်လာကတည်းက တစ်ခါမှ
အပြင်ကိုမထွက်ခဲ့ပါဘူး။ လိုအပ်တာမှန်သမျှကိုလည်း သုဿာန်စောင့်ကြီးကတစ်ဆင့်ပဲ
မှာယူတတ်ပါတယ်။ဒီလိုနဲ့ မြို့လေးဟာ လူငယ်လေးကို တဖြည်းဖြည်းနဲ့မေ့သွားကြတယ်။အချိန်တွေက
တဖြည်းဖြည်းနဲ့ ကုန်မသွားကြပဲ ပိုပိုများလာခဲ့တယ်။ ကခြေသည်မလေးဟာလည်း
အသက်အရွယ်ကြီးရင့်အိုမင်းလာခဲ့ပါတယ်။ နောက်တက်လာတဲ့ကခြေသည်လေးတွေက သူမနေရာကို
ဝင်ယူသွားကြတယ်။ တစ်ရက်မှာတော့ ကခြေသည်မလေးတစ်ဖြစ်လဲအဘွားအိုဟာ
တစ်ကိုယ်တည်းလမ်းလျှောက်ထွက်ရင်း သုဿာန်ထဲကိုရောက်လာခဲ့တယ်။ သူမဟာ
သိပ်ကိုကခုန်ချင်နေပါခဲ့ပါတယ်။ ကမ္ဘာလောကမှာ တစ်ခါမှမကြားဖူးတဲ့သံစဉ်မျိုးနဲ့ ကခုန်ချင်နေမိတယ်။
အဲဒီအချိန်မှာ သူမဟာ အင်မတန်သာယာညွှတ်နူးဖွယ်ကောင်းတဲ့ ဂီတသံတစ်ခုကိုကြားလိုက်ရတယ်။
သူမရဲ့သွေးကြောတွေဟာ ခုန်ပေါက်မြူးကြွလာခဲ့ကြတယ်။ သူမကိုယ်သူမသတိမထားမိခင်မှာပဲ သူမဟာ
တေးသွားအတိုင်းမျောပါကခုန်ရင်း ဂီတသံလာရာနောက်ကို လိုက်ပါလာမိတယ်။
သစ်လုံးအိမ်လေးရဲ့ရှေ့ကိုရောက်တဲ့အချိန်မှာတော့ သံစဉ်ဟာ ရပ်တန့်ပြီးဆုံးသွားခဲ့တယ်။ အဘွားအိုဟာ
စိတ်ရဲ့စေစားချက်အရ အိမ်တံခါးကိုခေါက်လိုက်မိတယ်။ အဲဒီအခါ အသံတစ်သံထွက်လာခဲ့ပါတယ်။
‘၀င်ခဲ့ပါ တံခါးဆိုတာ အဓိပ္ပါယ်မရှိတဲ့လူတွေအတွက်ပဲ ပိတ်ဆို့ထားတာပါ’
အဘွားအိုဟာတံခါးကိုတွန်းဖွင့်ပြီးဝင်လာတဲ့အခါမှာတော့ အိမ်လေးထဲက မီးလင်းဖိုနံဘေးမှာ
ထိုင်ခုံတစ်လုံးနဲ့ထိုင်နေတဲ့ အကော်ဒီယံလေးကိုပိုက်ထားတဲ့ အဘိုးအိုတစ်ယောက်ကိုတွေ့လိုက်ရပါတယ်။
အဘိုးအိုရဲ့မျက်နှာမှာတော့ အချိန်ရဲ့ကုတ်ခြစ်ရာတွေက ပီသထင်ရှားနေတယ်။ ဆံပင်တွေကလည်း
မြူနှင်းရောင် တောက်ဝေနေပါတယ်။ ဒါပေမယ့် သူ့ရဲ့မျက်လုံးတွေကတော့ လင်းပသစ်ရှနေတုန်းပါပဲ။
‘ရှင်တီးတဲ့သံစဉ်ဟာ အရမ်းကိုကောင်းလိုက်တာ’
အဘိုးအိုက ပြုံးတယ်။ ဆွေးမြည့်နေတဲ့ဓားတစ်လက်လို ပြုံးတယ်။
‘ခင်ဗျားကတာလည်း ကောင်းပါတယ်’
‘အဲဒါဘာတေးသွားလဲ’
‘သုဿာန်ရဲ့ရှိုက်သံ လို့ခေါ်ပါတယ်’
‘အိုး. . .’
အဘွားအိုဟာ ခေတ္တမျှတိတ်ဆိတ်သွားပါတယ်။ပြီးတော့မှ
‘ဒါလည်းမဟုတ်သေးဘူး’
‘ဘာကိုဆိုလိုပါသလဲ’
‘ကျွန်မသိပ်ကချင်နေတယ် ဒါပေမယ့် ရိုးရိုးတေးသွားတစ်ခုနဲ့မဟုတ်ဘူး လောကမှာ
ကျွန်မတစ်ခါမှမကြားဖူးသေးတဲ့တေးသွားသံစဉ်တစ်ခုနဲ့ကချင်တယ်’
‘ဟုတ်ပြီ ကျွန်တော်ကလည်းလောကမှာတစ်ခါမှမမြင်ဖူးသေးတဲ့အကတစ်ခုကိုလိုချင်နေတာ
ကျနော်ရေးစပ်ထားတဲ့သံစဉ်တစ်ခုနဲ့ကဖို့ပေ့ါ’
‘အိုး ကျွန်မစိတ်ဝင်စားပါတယ်’
‘ဒါဆိုကျွန်တော်တီးပြမယ်’
အဘိုးအိုဟာ အကော်ဒီယံလေးကိုစတင်တီခတ်ပါတယ်။တေးသွားအမှတ်(၁) ဂီတသံဟာ
စမ်းရေလိုတသွင်သွင်စီးလာတယ်။ အဘွားအိုကလည်း အကကိုစတင်ပါတယ်။ အကဟာ
ရွက်ကြွေလိုစီးမြောလိုက်လာခဲ့တယ်။ ဒီလိုနဲ့သံစဉ်ဟာ တဖြည်းဖြည်းမြင့်တက်လာတယ်။
တေးသွားအမှတ်(၂) သံစဉ်ဟာ မြင်းရိုင်းအုပ်ဖြစ်သွားတဲ့အခါမှာ အကဟာ
ကြာပွတ်တစ်လက်ဖြစ်သွားတယ်။ တေးသွားအမှတ်(၃) သံစဉ်က စစ်ပွဲတစ်ပွဲဖြစ်နေတဲ့အခါမှာ အကဟာ
ဓားတစ်လက်ဖြစ်တယ်။ တေးသွားအမှတ်(၄) သံစဉ်က နဂါးတစ်ကောင်ဖြစ်တဲ့အခါမှာ အကဟာ
လေထုဖြစ်သွားတယ်။တေးသွားအမှတ်(၅) သံစဉ်ဟာ အမြင့်ဆုံးကိုရောက်ရှိသွားတယ်။ မိုးကြိုးတွေ
ဟုန်းခနဲ့ပစ် ၊ မုန်တိုင်းတွေ ဟူးဟူးရားရားတိုက်ခတ်တယ်။ အကဟာ ချိုးဖြူငှက်ကလေးတစ်ကောင်လိုပဲ
လွင့်ဝဲတုန်ခါနေတယ်။ တေးသွားအမှတ်(၆) အဘွားအိုသိလိုက်တယ်
အဆုံးကနေပြန်စလာတာကိုသိလိုက်တယ်။တေးသွားအမှတ်(၅) (၁) သို့
အဆုံးမှအစပြန်လည်တီးခတ်နေတာကိုသိလိုက်တယ်။ သူမဟာလည်း သူမအကကို
ပြောင်းလဲပစ်လိုက်တယ်။ တေးသွားကငှက်ငယ်ဖြစ်သွားပြီး သူမကမုန်တိုင်းဖြစ်သွားတယ်။
တေးသွားအမှတ်(၇) တေးသွားကလေထုဖြစ်သွားပြီး သူမက နဂါးဖြစ်သွားတယ်။ တေးသွားအမှတ်(၈)
တေးသွားက ဓားဖြစ်သွားပြီး သူမကစစ်ပွဲဖြစ်သွားတယ်။ တေးသွားအမှတ်(၉) တေးသွားက
ကြာပွတ်ဖြစ်သွားပြီး သူမက မြင်းရိုင်းအုပ်ဖြစ်သွားတယ်။ သံစဉ်ဟာ ဓားထိသွားတဲ့ပိုးမျှင်လို
တိခနဲ့ပြတ်ကျရပ်တန့်သွားခဲ့တယ် ။ အဘွားအိုဟာလည်း ကြမ်းပြင်ပေါ်ကို
အရုပ်ကြိုးပြတ်လဲကျသွားခဲ့ပါတယ်။ သူတို့နှစ်ဦးစလုံးသိပ်ကို ပင်ပန်းနေခဲ့ကြတယ်ဆိုတာ
မို့ကြွနေတဲ့ရင်ဘတ်တွေက ပြောပြနေကြတယ်။ ခဏအကြာမှာ တိတ်ဆိတ်မှုကို အဘွားအိုက
တော်လှန်ပစ်လိုက်တယ်။
‘ရှင်ဘာလို့ဆက်မတီးတာလဲ’
‘ကျန်နေတာက နောက်ဆုံးတစ်ပိုဒ်ပဲ ခုထိမဖော်ထုတ်နိုင်သေးလို့ပါ’
‘နံပါတ်(၁၀) တေးသွားဟာ နံပါတ်(၁)တေးသွားကိုပဲပြန်တီးမယ်မဟုတ်ဘူးလား’
‘မဟုတ်ဘူး အဲဒါနံပါတ်(၁၀)မဟုတ်ဘူး နံပါတ်မရှိဘူး ဘာမှမရှိဘူး အဲဒီတေးသွားပဲ’
အဘွားအိုဟာ အဘိုးအိုကို သိပ်ကို သနားတဲ့အကြည့်နဲ့ကြည့်လိုက်မိတယ်။ အဲဒီနောက်ဆက်ပြောတယ်
‘ရှင်ဟာ သိပ်ကိုသနားဖို့ကောင်းတာပဲ စပြီးရင်ဆုံးရမယ် ဒီတော့မဆုံးချင်ရင်မစနဲ့ပေါ့ အစရှိမှတော့
အဆုံးရှိရတော့မှာပေါ့’
အဘိုးအိုဟာ တစ်ချက်ငိုင်တွေသွားတယ်။ အဲဒီနောက်သူ့မျက်နှာဟာ
တဖြည်းဖြည်းလေးနက်တည်ကြည်လာတယ်။ နောက်ပြီးတော့ တဖြည်းဖြည်းပြုံးမြလာခဲ့တယ်။
‘ဟုတ်တယ် အစရှိထားလို့ဆုံးနေရတာပေါ့ စမထားရင်ဘယ်ဆုံးရတော့မလဲ ဟုတ်တယ် . . . ကျုပ်တွေ့ပြီ
အဲဒီတေးသွားကို ကျုပ်တွေ့ပြီ’
အဘိုးအိုဟာ ထိုင်ရာထပြီး သူရဲ့ တေးသွားတွေကိုမှတ်တမ်းလုပ်ထားတဲ့စာအုပ်ကို
မီးလင်းဖိုထဲပစ်ချလိုက်တယ်။ အဲဒီနောက် အကော်ဒီယံလေးကိုလည်း လိုက်သွားစေခဲ့လိုက်တယ်။
ပြီးတော့ ခုံပေါ်မှာပြန်ထိုင်ပြီး မှန်တစ်ချပ်လို ကြည်ကြည်လင်လင်ပြုံးနေတယ်။
‘ရှင်ဘာလုပ်နေတာလဲ’
‘နောက်ဆုံးတေးသွားကိုတီးနေတယ်’
အဘွားအိုဟာ ခေတ္တငြိမ်သက်သွားတယ်။ အဲဒီနောက်မှာတော့ သူမမျက်နှာဟာ ၀င်းပလာတယ်။
‘ဟုတ်ပြီ ဒါဆို ကျွန်မလည်းကတော့မယ်’
အဘွားအိုဟာ လဲလျောင်းရာကမထပဲ မျက်လုံးအစုံကိုမှေးမှိတ်ပစ်လိုက်တယ်။ခဏအကြာမှာ
သူမမျက်နှာဟာလည်း အဘိုးအိုနည်းတူ ၀င်းပကြည်လင်စွာ ပြုံးလာခဲ့တယ်။
နောက်တစ်နေ့မှာတော့ အဘွားအိုပျောက်လို့လိုက်ရှာကြတဲ့ ဆွေမျိုးမိသားစုတွေဟာ သုဿာန်အတွင်း
တောအုပ်လေးထဲကသစ်လုံးအိမ်လေးမှာ သေဆုံးနေကြတဲ့ အဘိုးအိုနဲ့ အဘွားအိုတို့ရဲ့အလောင်းကို
မီးလင်းဖိုထဲမှာ ဖတ်မရတော့အောင်လောင်မြိုက်ထားတဲ့စာအုပ်တစ်အုပ် ၊ တစ်ဝက်တစ်ပျက်
ကျွမ်းမြိုက်ထားတဲ့ အကော်ဒီယံတစ်လက်နဲ့အတူတွေ့လိုက်ရပါတယ်။
အဘိုးအိုနဲ့အဘွားအိုတို့ရဲ့ရုပ်အလောင်းနှစ်ခုစလုံးမှာတော့ တူညီတဲ့အပြုံးတစ်ခုစီဟာ
အလှဆုံးနေရာယူထားလို့. . . . . . . .
