မြူနှင်းရောင် ဈာပန

လေညှင်းသံ တိုးအက်ဆိတ်လျ
လူငယ်တစ်ယောက်ရဲ့ နှင်းဆီရောင်ဈာပနမှာ
ငှက်ဆိုးတွေ ပိုလှနေကြတယ် မသီတာ
ခေါင်းလောင်းသံအိုအိုဟာ ပိုမိုကွဲရှနေသလိုပဲ
ဘယ်လို အခမ်းအနားလဲကွယ်
မြူခိုးတွေ သီဝေပြန့်ကျဲ
လရောင်တွေလည်း ဖြိုးဖြိုးဖျောက်ဖျောက် ရွာနေခဲ့တယ် ။

စက်ရုံတွေမီးခိုးတိတ်နေရဲ့ 
ကြယ်နဲ့ လ လည်း တစ်ယောက်ကိုတစ်ယောက်
သေခန်းဖြတ်လိုက်ကြတယ် ...
မသီတာရေ ...
ကျနော့်အိပ်မက်တွေထဲမှာ
မသီတာက လူယောင်ဆောင်ခဲ့တာလား၊
ကျနော့်မှာတော့ ...
အရောင်ဖျော့နေတဲ့ လရိပ်ကလေးကို
အိပ်ပျော်အောင် ချော့သိပ်နေလိုက်ရတာ
ပြောပြောဆိုဆိုနဲ့ 
မပြောမဆိုဘဲမိုးလင်းသွားလေရဲ့ ။

တစ်ရံတစ်ခါက
မသီတာကို ကျွန်တော်စတွေခဲ့ချိန်မှာ
ခတ္ထာတွေလည်း ပွင့်နေကြပါပြီ
ကျွန်တော်က မသီတာကိုချစ်တယ်ဆိုတာ
ကုလားအုပ်က ကန္တရကိုချစ်သလိုမျိုး
မသီတာချစ်သူက မသီတာကို ချစ်သလိုမျိုး
အဲဒါတွေထက် ပိုပါတယ်
မသီတာရဲ့နာမည်မဟုတ်တဲ့ မသီတာဆိုတဲ့နာမည်လေးကိုခေါ်ဆို
ကျွန်တော့်နှုတ်ခမ်းလေးတွေလည်း ချိုနေတတ်ခဲ့တယ် ။

ဒါပေမယ့်ပေါ့မသီတာရယ်
ကျနော့်ကိုကျနော်ပြန်ဖတ်ရင်
ကြက်ခြေခတ်တွေပဲ တွေ့နေခဲ့ရတယ်
ဆပ်ပြာပူဖောင်းတစ်လုံးပေါ်ကိုပွင့်တဲ့ဆူး
ဘယ်သူတွေများခူးယူလာခဲ့တာလဲမသီတာ
အမှောင်ယိုင်ယိုင်နဲ့ အရက်ဆိုင်အိုလေးထဲမှာ
မသဲကွဲတာတွေ မေးရင်းဖြေရင်းနဲ့
ဖန်ခွက်လေးပဲ လဲသွားခဲ့ရှာတယ်
လူမိုက်လေးရဲ့ ညတစ်ဘက်ခြမ်းမှာတော့
အလင်းတွေ ချို့တဲ့ဆဲပေါ့ မသီတာ ။

ကျနော်
မြူတွေ ဝေလိုက်တာ မသီတာရယ် ...
မမြင်ချင်မှ အဆုံး
ညကို အလုံးစုံဖုံးပစ်ပါရောလား ...
အမိန့် ပေးလိုက်တော့ကွယ်
အမိန့် ပေးလိုက်တော့ ...
ဒီဘ၀ ဒီမျှနဲ့ ကျွန်တော့်ကို အမျှဝေလိုက်တော့ ။

မြူနှင်းတွေ အဝေးကြီးမှာ ဝေနေတယ် မသီတာ
ဘယ်က အတတ်ပညာနဲ့ လှမ်းမျှော်မွှေးချို ရမလဲ ။

လမ်းမတွေ မှုန်ဝေမှိုင်းညှို့
ကျွန်တော့် ခြေရာတောင် ကျွန်တော် ပြန်ရှာလို့မရတော့ဘူး
ကျနော့်ကို ထားခဲ့ပါတော့ မသီတာ
သွားစရာရှိတာ သွားပါ
နေစရာရှိတဲ့လူက နေခဲ့ရတော့မှာပဲမဟုတ်လား
ပြန်ဆုံစရာ ကံမကုန်ချင်သေးဘူး မသီတာ
ခတ္တာတွေ ဘုရားမှာတင် ကျွန်တော် ဆုတောင်းချင်ပါသေးတယ်
ကျွန်တော် ဘယ်တော့မှာမှ ပြည့်မယ်မှန်းမသိတဲ့ဆုတွေ
တောင်းချင်ပါသေးတယ် ။

(ရနံ့တွေ ဟောက်ပက်ဖြစ်နေတဲ့ စက္ကူပန်းတစ်ရွက်က
ကျွန်တော့်ရှေ့ကို ကြွေကြလာပါတော့တယ်)

အဲဒီညကပေါ့
မီးပုံကြီးထဲ ခုန်ချသွားတဲ့ ကျနော့်ဝိဥာဉ်မှာ
စိတ်ကိုခွဲထုတ်ထားတဲ့ ဓားရာတွေပါသွားတယ်
အိပ်မက်ထဲမှာပွင့်တဲ့ပန်းကို စိတ်ကူးနဲ့တော့ နမ်းခွင့်ပေးပါမသီတာ
သူရဲကောင်းဆိုတာ စစ်ပွဲရဲ့နောက်လိုက်တစ်ပါးမဟုတ်ပါဘူး
ကျနော့်ကိုယ်ကျနော် ပွေ့ပိုက်
ဒီ့ထက်မိုက်လည်း မိုက်ပါစေတော့ ။

(ဗေဒါမှတ်တမ်း ၊ ကျမ်းတစ်အုပ်ကိုပိုက် ၊လူမိုက်ကလေးရဲ့သန်းခေါင်ယံဟာ လရောက်ဖြူကိုပန်မယ်မသီတာ . . )

ရိုးရာ ၊ နေ့သစ် ၊ ကကြိုးရှင်

ဆရာ တာရာမင်းဝေ၏ ကျွန်တော်နှင့် မြူနှင်းဝေသောညများကို ခံစားရေးဖွဲ့ပါသည်။

ကဗျာတစ်ပိုဒ်ဖြင့် ပါဝင်ကူညီခဲ့သော ကိုဇာတိ အား ကျေးဇူးတင်ပါသည်။