လမ်းလျှောက်ထွက်ခြင်း - ၂
ထုံးစံအတိုင်းပဲ ဒီတစ်ခါလည်း စိတ်ကူးတွေထဲ အလည်တစ်ခေါက် ရောက်ခဲ့ပြန်ပါတယ် ။
(၁)
ကျနော်ရောက်နေတာက ခန့်ညားထည်ဝါတဲ့ နန်းတော်ကြီးတစ်ခုထဲမှာ။ ပလ္လင်ပေါ်မှာကတော့ မိန်းမပျိုတစ် ယောက်ထိုင်နေတယ်။ အင်မတန် ချောမောတဲ့မိန်းမပျိုပါ။ ပြောရရင်တော့ သူ့လောက်လှတာ ကမ္ဘာမှာ ရှိပါ့မလား လို့တောင် သံသယဖြစ်မိတဲ့အထိလှပါတယ်။ ကျနော် တစ်စုံတစ်ယောက်ကို သတိရမိတယ်။ `ဟယ်လင်´ ။ ထရွိုင်ကိုပြာအတိကျစေခဲ့တဲ့ မင်းသမီး။ ပဲရစ်(စ်)မင်းသားရဲ့ကြင်ယာတော်။ ဗီးနပ်(စ်)ရဲ့ ကျိန်စာသင့်မိန်းမ။
`ခင်ဗျားက ဟယ်လင်လား´
`ဟုတ်ပါတယ်ရှင်´
ထင်တဲ့အတိုင်းပါပဲ။ ကိုယ့်ချစ်သူက ဟယ်လင်ထက်လှတယ်ဆိုတဲ့လူတွေကိုတောင် ခေါ်ပြလိုက်ချင်တယ်။ ကျနော်တို့မှားပါတယ်လို့ ၀န်ခံသွားလောက်တယ်။
`ခင်ဗျားကတော်တော်လှတာပဲ။ အင်းလေ ဒါကြောင့်လည်းထရွိုင်ဟာ ပြာပုံဘ၀ရောက်ခဲ့ရတာပေါ့´
`ဟုတ်ပါလိမ့်မယ်ရှင်´
`အန်. . . အဲလိုဟုတ်နေတာပဲကို ဘာလို့ဟုတ်ပါလိမ့်မယ်ဖြစ်ရတာလဲ´
သူမက တစ်ချက်ပြုံးတယ်။ လှောင်ပြုံး. . . ။ခနဲ့ပြုံး. . . ။ကိုယ့်ကိုယ်ကို နာကျည်းသနားစိတ်ကုန်နေတဲ့အပြုံး။
`ကျွန်မက သူတို့ရဲ့အင်ပါယာချဲ့ထွင်မှုအတွက် ဘုံဆခွဲကိန်းတစ်ခုပဲလေ´
(၂)
သွားရင်းလာရင်းနဲ့ မောတာနဲ့လက္ဘက်ရည်ဆိုင်တစ်ဆိုင်ထဲကိုဝင်ထိုင်မိတယ်။ ဆိုင်ကလူနည်းနည်းပဲ ရှိပါတယ်။
ကျနော့်ဘေးနားက၀ိုင်းမှာတော့ လူလေးယောက်ထိုင်နေလေရဲ့။ နားမထောင်မိပေမယ့် အသံတွေက နားထဲဝင်လာတယ်။
`အယူအဆဆိုတာတွေက အလကားပါကွာ။ လုံးဝလွတ်လပ်ရမယ် အစဉ်အလာတွေထဲကနေဖောက်ထွက်ရမယ် ဒါမှအသစ်တွေကိုတွေ့မယ်. . . . . . . . . . . . . . . . . . . . ´
နားထဲကိုမဆန့်မပြဲတိုးဝင်လာတဲ့ စကားလုံးအကြီးကြီးတွေလေ ။ အဲဒီလူတွေက ဘယ်သူတွေလဲတော့ ကျနော်မသိဘူး။ အဲဒီမှာပဲ တစ်ဝိုင်းထဲထိုင်နေတဲ့လူတစ်ယောက်က ထပြောတာကြားလိုက်ရတယ်။
`အင်းလေ. . . ကင်းမြီးကောင်ထောင်ပြီးလမ်းလျှောက်သလိုမဖြစ်ရင်တော့ ဘာမှမဖြစ်ဘူးပေါ့ဗျာ´ တဲ့
ပြောပြီးတော့အဲဒီလူထသွားပါတယ်။ ကျနော်သူ့ကိုလှမ်းကြည့်ပေမယ့် နောက်ကျောကိုပဲမြင်လိုက်ရတယ်။
စားပွဲထိုးလေးကိုခေါ် ပိုက်ဆံရှင်းပြီးဆိုင်ထဲကထွက်လာတဲ့အထိ ကျနော့်နားထဲမှာ အဲဒီစကားသံကို ကြားယောင်နေဆဲပါပဲ။
`အင်းလေ. . . ကင်းမြီးကောင်ထောင်ပြီးလမ်းလျှောက်သလိုမဖြစ်ရင်တော့ ဘာမှမဖြစ်ဘူးပေါ့ဗျာ´
(၃)
လမ်းလျှောက်ရတာ နေပူလာလို့ သက်သာအောင်ကားစီးမယ်ဆိုပြီး ကားမှတ်တိုင်တစ်ခုမှာ ကားရပ်စောင့်နေ လိုက်တယ်။ နေကတော်တော်ကိုပြင်းတာဗျ။ ဒါပေမယ့် ဘတ်(စ်)ကားမှတ်တိုင်ကြီးကတော့ မမှုသလိုနဲ့ တောင့်တောင့်ကြီးရပ်လျက်ပဲ။ ကျနော်တော်တော်လေးစားမိသွားတယ်။
`မှတ်တိုင်ကြီးရယ် ခင်ဗျားကတော့လေးစားစရာပါပဲ။ နေပူပူမိုးရွာရွာတာဝန်ကျေလိုက်တာဗျာ။ လေးစားပါတယ်´
မှတ်တိုင်ကြီးက
`ဟ ကောင်လေးရ ငါ့ခြေထောက်တွေကိုမြေကြီးထဲမြှုပ်ခံထားရမှတော့ အရိပ်ရှိရာ မိုးလွတ်ရာ သွားလို့ရပါဦးမ လားကွာ´ တဲ့
ကျနော်လည်းဘယ်ကျေနပ်မလဲ ပြန်ငြင်းတာပေါ့။
`ဟာ အဲဒါဆိုရုန်းပေါ့ဗျ´
`ရုန်းလို့လွတ်တော့ ငါလဲသွားမှာပေါ့ကွ´
`အန် ဘာလို့လဲဗျ´
`မွေးကတည်းက လမ်းမလျှောက်တတ်တော့ လမ်းဘယ်လိုလျှောက်မလဲငါမှမသိတာ ခုတောင် မြေကြီးထဲစိုက်တားလို့မတ်နေတာ လွတ်ရင်လဲသွားမှာပေါ့ကွာ´ တဲ့လေ။
တော်သေးတာပေါ့ဗျာ ကျနော့်ကိုလမ်းလျှောက်တတ်အောင် အဖေနဲ့အမေကသင်ပေးခဲ့ပေလို့ပေါ့။ မဟုတ်ရင် ကျနော်လည်း ခဏခဏလဲကျနေတော့မှာပဲ။
(၄)
ကားပေါ်ကဆင်းတော့ ဘူတာရုံတစ်ခုကို ကျနော်ရောက်ပါတယ်။ အဲဒါနဲ့မထူးဘူးဆိုပြီး ရထားဆက်ဆီး လိုက်တယ်။ ရထားကြီးက ဂျုံးဂျုံး ဂျက်ဂျက် အသံတွေပေးပြီးလူးလိန့်နေလိုက်တာ ပုခက်ထဲမှာချောသိပ်ခံနေရသလိုပါပဲဗျာ။ တဖြည်းဖြည်းနဲ့ မှေးငိုက်လာမိတယ်။ ကျနော်ကလည်းကျနော်ပါပဲ။ မနေနိုင်မထိုင်နိုင် ရထားကို ကျေးဇူးစကားသွားပြောတယ်လေ။
`ကျေးဇူးတင်လိုက်တာရထားကြီးရာ။ ကျနော်အိပ်ရေးပျက်တာကြာပြီဗျ။ ခုတော့ရထားကြီးက ပုခက်လို ချော့သိပ်လို့ ကျနော်အိပ်ချင်လာပြီ´
`ငါက လမ်းကြမ်းလို့ လူးလွန့်ပြတာပါကွာ မင်းတို့အတွက်ကတော့ သာယာကောင်းသာယာလိမ့်မယ်ပေါ့လေ´ တဲ့
ဘာမှကိုဆက်မပြောနိုင်တော့ပါဘူး အဲဒါနဲ့ပဲ ကျနော်လည်း အိပ်ပျော်အောင်အိပ်ပစ်လိုက်ပါတော့တယ် ။
