ခြေကျင်းဝတ်များအား တော်လှန်ခြင်း
မျက်တောင်တစ်ချက်ခတ်ခြင်းရဲ့အဆုံးမှာ မြက်တွေအတောင်ပံခတ်ပြီး ပျံမသွားခဲ့ကြဘူး။ ကြက်ခြေခတ်တစ်ခုကို အမှားသင်္ကေတလို့ သတ်မှတ်မယ်ဆို အသက်သေဆုံးသူတွေရဲ့ မြေပုံပေါ်က မှတ်တိုင် (သို့တည်းမဟုတ်) လက်ဝါးကပ်တိုင်တွေက အကဲခတ်ဆုံးဖြတ်မှုတွေလား? ။ ဘယ်လောက်ပဲ ကောက်ကွေ့တဲ့မြစ်ဖြစ်ပါစေ ပင်လယ်ရှိရာတော့ သွားတတ်ကြသေးတယ် ။ သူ့စီးဆင်းမှုအပေါ်မှာ စီးစမ်း ဆင်းစမ်းလို့ တစ်ကြိမ်တစ်ခါမျှ မအော်ဟစ်ခဲ့ပါဘူး။ တိမ်တွေရွေ့တယ် . . . ရွေ့တယ် . . . ရွေ့တယ် . . . တစ်ခါတစ်လေ ရပ်တန့်ခဲ့သည့်တိုင် ခြေထောက်ညောင်းတယ်လို့ မဟစ်ကြွေးခဲ့ပါဘူး။ (တိမ်မှာ ခြေထောက်ပါ/မပါ တစ်ကိုယ်တည်း ငြင်းဆန်ခွင့်ပေးတယ်) ။ အရောင်ရောစပ်မှု ၊ အတောင်ပံတပ်ပေးမှု ၊ လူကုန်ကူးမှု ၊ ဖိနပ်မှားစီးမှုတွေဟာ သင်နှင့်သာသက်ဆိုင်ကြောင်းလို့ ခေါင်းစဉ်တပ်မယ် (ဒီအသရေဖျက်မှုဟာ တာဝန်ယူခြင်း ပါရှိတယ်) ။ ဆွဲဆောင်မှုအားကောင်းကောင်းနှင့် ရောင်းတမ်းမ၀င်တဲ့ ကြေငြာတွေအစား ကမ္မဌာန်းတရားကိုရှုမယ်။
အဓိပ္ပါယ်တစ်ခုဆိုတာ သတ်မှတ်ချက်နဲ့အညီလို့ လက်ခံထားနေသရွေ့တော့ သင်ဟာ တရားတော်နဲ့မကိုက်ညီသူဖြစ်တယ်။ အတ္တဆိုတာ လိအပ်သလိုဆေးရောင်ခြယ်ထားတဲ့ ပန်းချီကားတစ်ချပ်ပါပဲ။ သင်တွေ့နေသမျှ၊ကြားနေသမျှ အဲဒါ အယူအဆမဟုတ်ဘူး။ တဖြောင့်တည်းစီးဆင်းမယ့်မြစ်တစ်စင်းကို ကျွန်တော်တို့ တူးဖော်နေကြပါတယ်။ ထို့ကြောင့် သင့်မျက်ရည်စက်များ ပါဝင်လှူဒါန်းနိုင်ပါတယ်။ ကျွန်တော်တို့ ထမင်းရည်ပူစည်းမနင်းပါဘူး။ ငှက်ဖြစ်တိုင်း မပျံသန်းတတ်ကြကြောင်းကို ပင်ဂွင်းငှက်တို့က သက်သေ ၊ သာဓက ပြည့်စုံစွာညွှန်းဆိုထားပါတယ်။ သင်သည် သင့်ကိုယ်သင် ဖြူစင်သည်ဟု အထင်ရှိနေပါက ထိုပင်ဂွင်းငှက်တစ်ကောင်ထံသွားပြီး ဒိုဘီအပ်ရန် သတိရပါ။ ကဗျာဆိုသော ခေါင်းစဉ်အောက်တွင် ကပြာကယာအပြုံးများ မရှိကြောင်း ယထာဘူတကျစွာ ကြုံမှသိရပါလိမ့်မယ်။ ထို့ကြောင့် သင်သည် ပြုံးတတ်သူ ဖြစ်/မဖြစ်သည် ဆိုခြင်းထက်ပိုသော ထောက်ခံစာတစ်စောင်လိုအပ်ပါတယ်။ သို့သော် စာလုံးများ ၊ မှင်များသာ ပေစွန်းနေသော စက္ကူတစ်ရွက်မဖြစ်ရန် အထူးသတိပြုပါ။ မိမိကိုယ်မိမိ မြင့်သည်ထက်မြင့်အောင် ခုံးမောက်ပြနေသော တောင်တန်းများ ဒီလွင်ပြင်ဒေသမှာမရှိပါ။ ဒီနေရာသည် လွင်ပြင်တစ်ခုသာ ဖြစ်ပါတယ်။ တသမတ်တည်း ပြန့်ပြူးညီညွတ်သော လွင်ပြင်တစ်ခုသာဖြစ်ပါတယ်။
အသားစားသောနွားများ မရှိပါဆိုခြင်းထက် နွားများ အသားမစားပါဟုဆိုလျှင် သင်ငြင်းပိုင်ခွင့်ရှိသည်။ နားရွက်တိုများ၏ အလိုဆန္ဒအား နားရွက်ရှည်တို့ ကုသိုလ်ပြုခဲ့ဖူးသည်။ ဟန်မဆောင်တတ်ဟန်ဆောင်ခြင်းပညာဖြင့် အသက်မွေးဝမ်းကျောင်းခြင်းအပေါ် လူတကာလက်ခုပ်တက်တီးကြ၏။ သူမသာ ၊ ကိုယ်အသုဘဆိုတာထက် သူတင် ၊ကိုယ်တင် ရင်ခုန်သံများနှင့်အတူ ကျွန်တော်တို့ စည်း၊၀ါး နင်းကြသည်။ ကကြိုးတွင် ပန်းပန်မထားပါ။ ဆူးမရံထားပါ။ ခုနစ်လွှာကခြေသည်၏အိပ်မက်အား မြူဆွယ်ခြင်းထက် ၊ လိင်ဆက်ဆံရေးအား အသားပေးခြင်းထက် ၊ ဖိုမ အင်္ဂါနှင့်သီကျူးသော သီချင်းတစ်ပုဒ်ထက် ကျွန်တော်တို့ ပိုမက်ခဲ့သော မြေစိုင်ခဲတို့သည် ဗီတာမင် (လုံးဝ) ချို့တဲ့နေပေသည်။ မရှိ/အရှိ တရားတော်များအား နားဖြင့်သက်သက်သာကြားပြီး နှလုံးမသွင်းတတ်သောခွေးအများထက်စာလျှင် ကျွန်တော် ချိုချဉ်တစ်လုံးနှင့် နပန်းသတ်တမ်းကစားချင်သည်။ သင့်ကိုယ်သင် ဖြူစင်သည်ဟုဆိုလျှင် ကျွန်ုပ်သည် အရောင်အစွန်း အထင်းသားရှိသေးသည်။
‘ဒီအရာတွေ အားလုံးပြီးဆုံးသွားပြီ’ တဲ့ ။ သင်ကိုယ်တိုင် ဒီအရာတွေကို အသစ်က ပြန်စချင်နေသည်ဆိုလျှင်တော့ ပြီးဆုံးသွားပါလိမ့်မယ်။ ရှိ/မရှိခြင်းဟာ အပိုင်းကိန်းတစ်ခုသာ ဖြစ်ပါတယ်။ ကြားထဲတွင် မျဉ်းကြောင်းတိုလေးပဲ ခံနေခဲ့တာပါ။ ရှေးထုံးကို ပယ်ချင်ပယ်ပါ။ ဒါပေမယ့် သင် ဈေးသုံးမကြွယ်ပါနဲ့။ မည်သည့်ကိစ္စမဆို အဆက်အစပ်မဲ့ခြင်းမရှိကြပါ။ လက်ခံထားသမျှအရာတိုင်းဟာ ချိတ်ဆက်ထားကြောင်း သင်ကိုယ်တိုင် ရေလောင်းပေါင်းသင်ပါ။ တစ်ခုလောက်ပြောပါရစေ။ ‘ သင် ဓားတစ်လက်ကို အစိမ်းသက်သက် မြိုချရဲပါသလား ‘ ။ ကမ်းပါးတစ်ခုသာ ဆုပ်ကိုင်ထားလျှင် သင်၏မြဲမြံခြင်းသည် အဝေးဆုံးသို့ ရောက်ရှိသွားပေလိမ့်မည်။ လွတ်လပ်ခြင်းအနုပညာသည် သင်မှန်းခဲ့သလောက် မနီးစပ်ခဲ့ပါ။ လွတ်လပ်သူမှန်သမျှသည် လွတ်လပ်ခြင်းကိုသာ ဆုပ်ကိုင်ထာဲးပသူများဖြစ်၏။ မမြဲခြင်းသဘောတရားသည် မြဲမြံစွာဆုပ်ကိုင်ထားရန် လိုအပ်ကြောင်းနားလည်ပါ။ သင်သည် လွတ်လပ်သော မြဲမြံခြင်းကို ရေရာစွာနားလည်ပါပြီလား။ ကျွန်တော် နားမလည်ပါ။ လွတ်မြောက်မှုကို သင်ရင်ဆိုင်တွေ့ချိန် လက်ဝါးကပ်တိုင်တစ်ခုက အသင့်စောင့်ကြိုနေပါလိမ့်မည်။ အပေါင်းလက္ခဏာဆန်သည်။ သို့သော် နှုတ်ထွက်သွားရန်လိုအပ်သည်။ ယုတ်လျော့မှုတစ်ခုအား အကောင်းမြင်ဝါဒီဖြင့် ကြည့်ခြင်း (သို့တည်းမဟုတ်) အကောင်းစားမျက်မှန်တစ်လက်နှင့် မြေပုံမှတ်တိုင်အားရှုမြင်ခြင်းဖြစ်သည်။
‘လွှတ်ချလိုက်’ ဟု ကျနော့်ကို ရထားကြီးကပြောတယ်။ ‘ဆုပ်ကိုင်ထားပါ’ လို့ ချောက်ကမ်းပါးကြီးက ဆိုတယ်။ ရထားတစ်စင်းထက် ချောက်ကမ်းပါးရဲ့အစွယ်တွေက တဖွေးဖွေးလက်လို့။ ခေါင်းငုံ့ပြီးလမ်းဖြတ်ကူးသူ ၊ ခေါင်းမော့ပြီး လမ်းလျှောက်နေသူ ဆုံတွေ့လို့များတိုက်မိရင် ဘယ်သူအရင်သေမလဲ။ ကျနော်သည် ကိုယ်ရည်သွေးတတ်သော သွားပွတ်တံများအား မုန်း၏။ သွားကြားမှ အစာဟောင်းများထုတ်ပစ်ချင်သည်ဟုဆိုလျှင် ‘တောက်’ တစ်ချက်ခတ်ပြီး ဖနောင့်သုံးချက်ပေါက်ပါ။ (လူကြီးမင်းတို့၏ တစ်ကိုယ်ရည်သန့်ရှင်းမှုအား တာဝန်ယူဆောင်ရွက်ပေးပါသည်)။ ဟုသော ကြေငြာအား ရုပ်မြင်သံကြားလှိုင်းများမှ မလွှင့်ပါ။ လက်ခံသူမဲ့နေသောအမှန်တရားသည် မိဘမဲ့ လမ်းဆုံလမ်းခွသာဖြစ်၏။ ထိုနည်းတူလည်းကောင်းတူစွာ အမှန်တရားအား လက်မခံသောသူသည် သူတောင်းစားတစ်ယောက်လက်ထဲမှ ခွက်တစ်လုံးနည်းတူပေ။ ယူချင်သည်ထက် အပေးအကမ်းနည်းပါးခြင်းသည် မိမိကိုယ်မိမိ အကြမ်းဖက်ခြင်းသာဖြစ်သည်။ ယနေ့ မျက်မှောက်ခေတ်ကာလတွင် ထွန်းကားလာသော အကြမ်းဖက်ယဉ်ကျေးမှုအား ကျနော်တို့ တော်လှန်ကြပါစို့ ။
(ကျေးတော်မျိုး) (ရိုးရာ)
www.kyaytawmyo.web.com www.yoeyarpoet.co.cc
