ရက်စွဲအမှားများ
ကေသရီရေ. . .
ကျနော့်ကို အပြစ်တွေရှာပေးပါ
ကျနော့်မှာ ကိုယ့်အရိပ်ကိုပဲ ကိုယ်လက်ညှိုးထိုးလိုက်ရတော့တယ်။
ကျနော် တိတ်တိတ်လေး ပျိုးထားတဲ့ လမင်းက
ကောင်းကင်ထဲကို ခုန်ချသွားတယ်
နှင်းဆီတွေ နောက်တစ်ခါဆူးကြပြန်ပြီ ကေသရီ။
တစ်ကြိမ်တစ်ခါတည်းနဲ့
ပြောလို့မထွက်ခဲ့တဲ့စကား
နောက်ဘ၀များစွာအတွက်
ကျနော်သိမ်းထားလိုက်ပါတယ်။
ကျနော့်အပေါ်အရိပ်တွေမိုး
နတ်ဆိုးလို့လည်းခေါ်ခံရဲခဲ့ရတယ်
ကျနော် တိတ်တိတ်လေး လွမ်းပါရစေ
မပြောပဲ မဆိုပဲ လွမ်းနေပါရစေ ကေသရီရေ။
ပင်လယ်ကို မမြင်ဖူးတဲ့ ကျနော်
နေ၀င်တာကို မြင်လိုက်ရပြီ ကေသရီ
နေရောင်ခြည်ကို မထိတွေ့ဖူးသေးခင်
နေ၀င်တာကို အရင်မြင်ဖူးလိုက်ရပြီ ။
ကျနော်ကိုယ်တိုင် နေနဲ့ကမ္ဘာကြား
ရောက်သွားရသလိုမျိုးပေါ့
ထူးထူးကဲကဲပါပဲ
ကေသရီတစ်ကိုယ်စာလေးပဲ
ကျနော်လင်းပေးခဲ့ဖူးတယ် ။
ကေသရီကို ကျနော်လိုက်ရှာနေတုန်းမှာ
ကေသရီကို ရှာတွေ့သွားကြပြီလေ
လုံအောင်ပုန်းပါကေသရီ
ပွဲပြီးတော့ ကျနော်ကလိုက်သူပြန်ဖြစ်တယ်။
ခုတော့ သွားကြပြီ ကေသရီရေ
သွားလို့ရတာတွေ အားလုံးသွားကြပြီ
ကျောက်ကြိုးငြိတဲ့ကျနော်သာ
ရေတိမ်တိမ်မှာ နစ်လို့ကောင်းရင်း ကျနေခဲ့ပြီကွယ် ။ ။
