ကျနော့်ရဲ့ ခေါင်းစဉ်
အဖေရေ. . .
ခုမှအတောင်ပေါက်တာဆိုပေမယ့်
ပင်လယ်ကိုမှဖြတ်ပျံချင်ခဲ့တာ
သားနည်းနည်းလွန်တာပေါ့ဗျာ။
ဘာပဲဖြစ်ဖြစ်. . .
အတောင်တစ်စုံရဲ့ကျေးဇူးတော်အတွက်
သားကတော့
ပျံပြချင်သေးတယ်အဖေ။
အဖေရယ် . . .
အဖေ့မျက်နှာပေါ်ကအရေးအကြောင်းကို
ရှေးဟောင်းကျောက်စာတစ်ချပ်ဖတ်ရသလိုမျိုး
နားမလည်တတ်ခဲ့တာ
သားဝန်ခံပါတယ်။
အဖေစဉ်းစားကြည့်ပါ
ကိုယ်ပိုင်အလင်းထက်ပိုပြီး
ဘယ်တစ်စုံတစ်ရာကမှ
မီးစုန်းတောက်မပြနိုင်ဘူးမဟုတ်လား။
လက်မထောင်ပြီးး
ခေါင်းငြိမ့်ပြပါအဖေ
သားဆက်မိုက်ပါရစေ
သမုဒ္ဒရာတွေဘယ်လောက်နက်သလဲဆိုတာ
သားမှမသိရသေးတာ။
ဒါတော့ဒါပေါ့အဖေရယ်
ချော်မလဲပဲလမ်းလျှောက်တတ်ရင်
အနာရွတ်ဘယ်ထင်ပါ့မလဲ
ဒီတစ်ခါလည်း ပြုံးပြုံးလေးကြည့်နေပေးပါအဖေ။
မလိမ္မာရင်
တစ်ခါပဲမိုက်တယ်အဖေ
လိမ္မာသွားရင်တော့
အခါခါမိုက်တတ်လာတယ်။
တစ်ခုတော့ရှိတာပေါ့ဗျာ
ကျနော်ဆိုတဲ့ခပ်ညစ်ညစ်စာတစ်ရွက်မှာ
အဖေဟာခေါင်းစဉ်တစ်ခုပါပဲအဖေ
ဒီတစ်ခုတော့
သေချာပါတယ် အဖေ ။ ။
