ချစ်မိသူတစ်ယောက်ရဲ့နောက်ဆုံးမှတ်တိုင်
ကောင်းကင်တစ်ခုလုံးကို
ဖမ်းဆုပ်ဖို့ကြိုးစားမိပေမယ့်
မီးခိုးငွေ့တန်းတစ်ခုရဲ့ယိုင်နဲ့ခြင်းမျိုးက
ငါ့ကို လှဲဖြိုချထားခဲ့တယ်။
ပြန်စဉ်းစားကြည့်ဖို့တောင်မှမဝံ့ရဲခဲ့တဲ့
လူငယ်တစ်ယောက်ရဲ့အိပ်မက်တွေ
နင့်လက်ဖဝါးက ပန်းကလေးကြွေကျသလိုမျိုး
အကြွေဆိုးနဲ့ကြွေခဲ့ရတယ်။
ဟုတ်ပါလိမ့်မယ်မသက်ဝေ
ကျွန်တော်က ကောင်းကင်အကြောင်းမသိတဲ့ကောင်ပေါ့
မြေပြင်ရဲ့သဘာဝမှာ
ကျွန်တော် နေသားကျနေခဲ့လို့ပါ။
ဘာမှလည်း ပြောစရာမလိုတော့ပါဘူး
တစ်ယောက်နားလည်မယ့်ဘာသာစကားကို
တစ်ယောက်မကြားတတ်ခဲ့ဘူးလေ
ဘာမှပြောစရာမရှိတော့ပါဘူး။
မီးအကြီးကြီးလောင်တယ်မသက်ဝေ
လွင်ပြင်တစ်ခုလုံးကျွမ်းသွားအောင်လောင်တယ်
ကန္တာရပဲလေ . . .
ရေမရှိတာမဆန်းဘူးမဟုတ်လား။
တစ်ခုပါပဲ
ကျွန်တော်ထွက်ခွါသွားတဲ့အခါ
ချစ်မိသူတစ်ယောက်ရဲ့ဧဒင်မှာ
မှတ်တိုင်လေးပဲစိုက်ထားပေးပါ။
အဲဒီနေရာမှာ
ကျိန်စာတွေသင့်နေတဲ့မြေပြင်လေးရှိတယ်
ဘယ်တော့မှမပွင့်တော့တဲ့နှင်းဆီတွေလည်းရှိတယ်
သက်တံ့တန်းလန်းနဲ့ ပျံနေတဲ့ငှက်တွေရှိတယ်
ကျွန်တော်က ပစ်ပစ်ခါခါ “ချစ်” တယ်
မသက်ဝေက နှစ်နှစ်ကာကာ “မုန်း” တယ်
တစ်ယောက်က တစ်ယောက်ကိုလို့
ဘာလို့ မတွေးမိခဲ့ကြသလဲမသက်ဝေ။
ဒီလိုပဲလေ. . . .
လောင်ခန်းသွားတဲ့ မြစ်တစ်စင်းမှာ
လူငယ်တစ်ယောက်ရဲ့အိပ်မက်ထဲက
အထိတ်တလန့်ထွက်ကျလာတဲ့ သက်ပြင်းသံတွေရှိနေပါလိမ့်မယ် မသက်ဝေ။ ။
