ဝတ်မှုန်အက်ကြောင်း
ဝတ်မှုန်လေးရေ
ဝတ်ရုံအကြီးကြီးခြုံထားပေမယ့်
ဝေးကွာခြင်းကို လုံအောင်မပုန်းနိုင်ခဲ့ဘူး
နင့်ရနံ့လေးတွေလှုတ်ခတ်ရုံနဲ့
ပင်လယ်ဟာ မုန်တိုင်းကိုမေ့သွားခဲ့ရတယ်။
ဝတ်မှုန်လေးရေ. . .
ပန်းပွင့်သံတွေနားစွင့်နေလို့
ပွင့်ချပ်တွေပြေလျော့ကျလာတာမမြင်လိုက်ရဘူး
ဒီနေ့နဲ့မနက်ဖြန်လိုမျိုး
တို့တွေ အဝေးဆိုးကြီးနဲ့ ဝေးတယ် ။
အတောင်တစ်ခြမ်းနဲ့ငှက်က
မိုးကုပ်စက်ဝိုင်းကို သတိရသလိုမျိုး
တို့တွေ အဝေးဆိုးကြီးနဲ့ ဝေးတယ် ။
အတောင်ခတ်သံတွေအသွားတဲ့နေ့က
ပန်းသီးတစ်လုံးရဲ့အဆီသြဇာတွေထဲမှာ
နင့် အပြုံးပါးပါးတွေမြုပ်ကျနေခဲ့တယ်
မဖြစ်နိုင်လိုက်သလိုပါပဲ ဝတ်မှုန်လေးရယ်
ဖြစ်ပျက်သွားလိုက်တာများ
အသိစိတ်တစ်ခုနဲ့တောင် လိုက်လို့မမှီလိုက်ဘူး
တစ်ခုခုပြီးဆုံးသွားတာလားဆိုတော့
တစ်ခုခုပြန်စခဲ့တာပါတဲ့
ဘာတွေကိုဘယ်လိုပြန်ချည်နှောင်ရမလဲဆိုတာတောင်
ငါ့မှာ. . . ပြည့်ပြည့်၀၀ နားလည်ခွင့်မရခဲ့ရှာဘူး
အစအဆုံးမှာ အငြင်းဝါကျတွေအပြည့်နဲ့
နင့်ဘက်က ပြည့်ဖုံးကားချပါပြီဆိုပေမယ့်
ငါက ခုမှ လိုက်ကာကို ဖွင့်ခဲ့တာ
တိုက်ဆိုင်စွာလွဲချော်ခဲ့တာပါဝတ်မှုန်လေးရယ်
မတော်တဆဖြစ်ပျက်ခဲ့တဲ့ မတော်တဆတစ်ခုသက်သက်ပါပဲ
အဲဒါနဲ့များ . . . ရထားဟာထွက်ခွါခဲ့ရရောလား
ကြိုးပြတ်ဥယျာဉ် ၊ ပိုင်ရှင်မဲ့နှင်းဆီ နဲ့ တယောတစ်လက်ရဲ့ဒဏ္ဍာရီတွေထဲမှာ
သွေးပျက်ခြောက်ချားဖွယ်ဇာတ်ဝင်ခန်းတစ်ခု
အခုထိပြောနေကြတုန်းပဲ အခုထိပြောနေကြတုန်းပဲ ။
“ဝတ်မှုန်လေးရေ. . .
လေပြေညှင်းဆိုတာ
တိမ်စိုင်ကိုသာမဟုတ်ဘူး
မြေမှုန်ကိုလည်းနမ်းတယ်ကွဲ့။ ။”
