အနောက်ထောင့်မှ မိုးတိမ်များ

မိုးကုပ်စက်ဝိုင်းလွန်အောင်နှင်မယ့်ရထားအိုတစ်စင်း
နှင်းဆီဘူတာကိုအဆိုက်မှာလေ.........
မြင့်မားခြင်းဟိုဘက်အစွန်ကနက်ရှိုင်းမှုတွေက
ဘူတာရုံနဲ့ရထားအိုကိုခြားနားစေခဲ့
ကောင်းကင်ကိုကျော်လွန်တူးဆွကြည့်တော့
ကြယ်စင်တွေဖိတ်ဖိတ်ထလို့.........
မီးအိမ်တစ်လုံးချိတ်ဆွဲရင်းနဲ့
စွန့်ပစ်ခံအိပ်မက်တွေသယ်ဆောင်ပြီး
ဘယ်မှာရယ်မသိတဲ့ခရီးအဆုံးကိုခုတ်မောင်းနေခဲ့
"ဖိနပ်တစ်ရံလောက်မှတန်ဖိုးမရှိတဲ့လူပဲ"
လေးသည်တော်ရဲ့မြှားတွေစူးနစ်ခဲ့
ပျံသန်းရင်လမ်းပျောက်သွားတဲ့ငှက်လို
တံလျပ်တွေထဲခုန်ချမိသူလေ...
"ခင်ဗျားကိုရင်ထဲကထုတ်ပစ်လိုက်ပြီ"
အားးး...........
ဓါးတစ်လက်ဖောက်ထွင်းသွားတဲ့ရင်ခွင်ရဲ့နာကြည်းသံ
အလံဖြူတောင်မပြရဲခဲ့သူပါကွယ်
ဝင်လွယ်....ထွက်လွယ်...ချိုးဖျက်လွယ်ဖို့
မြို့ရိုးရဲ့တံခါးစောင့်မှာနှင်းဆီတစ်လက်ချိတ်ဆွဲပေးထားခဲ့တယ်
"တတ်လည်းတတ်နိုင်တယ်...ကြောက်လှပါပြီ"
မင်းတီးမှုတ်တဲ့ပုလွေသံအောက်မှာ
ပါးပျဉ်းမထောင်ပဲကခဲ့ရတဲ့မြွေဟောက်တစ်ကောင်ပါ
အလမ္ပာယ်ဆရာအဆိပ်သင့်မှာစိုးလို့
အဆွယ်တွေချိုးပစ်ထားခဲ့တယ်
ငါက...ခြိမ်းရုံပဲခြိမ်းတတ်တဲ့မိုးပါကွယ်
"တောင်းပန်ပါတယ်...မနှောက်ယှက်ပါနဲ့တော့"
မဟုတ်ဘူး....ငါကပဲဦးညွှတ်ချင်ခဲ့သူပါ
ချစ်သူရဲ့နှုတ်ဖျားမှာ မာနတရားတွေပဲပွင့်စေချင်ခဲ့တယ်
သူနင်းသွားမယ့်လမ်းမှာ
နင်းခြေခံမြေမှုန်တစ်ပွင့်ဖြစ်ချင်ခဲ့သူပေါ့

တစ်ကယ်တော့လေ.....
တိုက်ဆိုင်စွာလွဲမှားမှုတွေထဲမှာ
ငါကဓါးစားခံတစ်ယောက်ပါကွယ်