အနီရင့်ရင့်နှုတ်ဖျားမှ
မာန်နတ်၏တေးသွားတို့တိုက်ခတ်သံ
ဤညဥ့်ယံ၌ပျံ့လွင့်ကြစဉ်…..
မိုးခါးခါးတို့၏စစ်ချီဂီတသံလို
မှော်ဆရာ၏မ န္တန်ရွတ်ဖတ်သံလို
ဝိဥာဉ်အိပ်မက်ကိုညှို့မြူလှုပ်နှိုးခဲ့ကြ
စစ်သူရဲအိုတို့
ငြိမ်…သက်…ပြို…လဲ…
ဒီညထဲမှာ…..
အနက်ရောင်တွေဖရိုဖရဲဖိတ်ကျလို့
ချစ်သူ့မျက်ဝန်းတို့
စိမ်းစိမ်းမှောင်မှောင်ကွန့်မြူးကြ
ထရွိုင်ရဲ့ရှုံးနိမ့်ခန်းမှာ
မငိုလိုက်ပါနဲ့ဟယ်လင်ရေ…..(ရိုးရာ)
ငါတစ်ယောက်တည်း…ရပ်နေမယ်။
လင်းလက်တောက်ပြောင်တဲ့လမ်းဟောင်းတွေပေါ်မှာ
ကူကယ်ရာမဲ့လတစ်ခြမ်းနဲ့
ငါ…..တစ်ယောက်တည်း
ကြိုးပြတ်ထွက်သွားတဲ့ သံစဉ်တစ်ကြောင်းလို
လွင့်ချင်ရာလွင့်နေကြ…
ငါကတော…..ငါတစ်ယောက်တည်း…..
မြို့ရိုးပေါ် စုန်းမြူးသံတွေ
တွယ်တက်မလာကြနဲ့
ခြစားနေတဲ့ နာရီဒိုင်ခွက်တွေ
လက်တံရှည်မျောမျောပေါ်မှာ
ခြေလှမ်းမှားခွင့်မရှိပဲရွေ့နေတယ်
ငါကတော့…ငါတစ်ယောက်တည်း
အိပ်မက်တွေနေရာလွဲတဲ့ညမှာ
ငါကတော့…ငါတစ်ယောက်တည်း(သိုးမည်း)
ကျိန်စာသင့် ငါ့ရင်ခွင်မှာ
ပန်းပျိုးမယ့်နတ်သမီးရေ…
နင်ထွန်ယက်မယ့်ငါ့မြေမှာ
အလွမ်းမြေရိုင်းတွေငြူစူနေကြ
အသူရာ ၊ သိကြားစစ်ခင်းပေမဲ့
သစ္စာမဲ့သူအတွက်ရေမပါခဲ့ကြဘူး…။
ရေနည်းငါးပါဆိုမှ အိုင်ပက်ချင်ြကတယ်
တကယ်တော့…..
အချစ်ဆိုတာ မျှော်လင့်ချက်မရှိရင်
ရင်ကိုမထိတတ်ဘူးတဲ့…။
မှောင်နေတဲ့…ငါ့နှလုံးခန်း
နင်ကရော…နေပေးမှာလား…ဟင်
ပိုး…စုန်း…ကြူး…လေး…
အနေနဲ့ပေါ့….။(CUPID)
မျသ်းပြိုင်တို့ရဲ့အော်ညည်းသံကို
လုံခြုံစွာ ၀တ်ပြုခဲ့
ကိုယ့်အမိုးနဲ့ကိုယ်လုံနေချိန်
အသက်ရှူသံတွေကပိုင်စီးသွား
ထားခဲ့…ထားခဲ့
ပြန်လည်နိုးထချိန်တိုင်းမှာ
ငါဟာ…..
ငါဆီ ရောက်ရှိခဲ့…
ကြယ်စင်ရိုင်းတွေ
မိုးပျက်မှ
ရာသီတွေငိုခဲ့
တိတ်တဆိတ်နဲ့ပဲ
သွင်သွင်ကျိုးသွားပေါ့…
အသက်ရှူသံတချို့ မှောင်မိုက်သွားရင်
ငါတို့ဟာ…ပြိုလဲ
ငါ့ဆီငါပြန်ရောက်ပါတော့မလား
ဦးနှောက်ထဲမှာပဲနေ…
ဦးနှောက်ထဲကပဲရှူထုတ်…
တစ်နေ့တစ်ခြား လွင့်မြူလာစဲ…
တစ်လှမ်း…
နှစ်လမ်း…
သုံးလှမ်း…
ရေရွတ်ကြည့်မှာ
…………………
ကဗျာဟာပုပ်သိုးနေ
…………………
ဒီလိုနဲ့…..
တိမ်ညိုခင်းထားတဲ့
ခွါရာပေါ်မှာရောက်
ငါတို့…..
ငါတို့……
ငါတို့……(ရုပ်သေး)
